Forklaringsartikkel
Utvinningsgrad – reservoar
Injeksjon av gass over og vann under oljelaget hjelper oljen inn mot produksjonsbrønnen.
Utvinningsgrad vil seie kor mykje som kan produserast av det totale volumet i eit reservoar. Utvinningsgraden kan aukast ved hjelp av tiltak som hjelper til med å drive olja fram til brønnane.
Det er nærast umogleg å få ut all olje og gass frå eit reservoar, men det er både ønskjeleg og eit lovkrav at vi skal hente ut så mykje som mogleg av dei reservoara vi produserer frå.
Utvinningsgraden varierer veldig frå felt til felt, og gjennomsnittsverdien for oljeproduksjon er 46 prosent utvinningsgrad. Det betyr at meir enn halvparten av olja som finst i reservoara, blir liggjande igjen.
Gassfelt har ein utvinningsgrad på 70 prosent.