LWD

LWD er forkortinga for det engelske omgrepet "logging while drilling". Det betyr å logge mens ein borar.

Loggeverktøyet er montert saman med boreutstyret nedst i borestrengen, og logginga skjer mens vi borar brønnen.

Vi samlar inn informasjon om kva for ein type formasjon vi borar gjennom, og eigenskapar som tettleik, porøsitet, trykk og temperatur. Vi kan også logge kva for ein type formasjonsvæske som finst der, om det er vatn, olje eller gass.

Informasjonen blir send direkte opp til overflata og blir heile tida brukt til å bore effektivt og målretta mot reservoaret. Det sparer masse tid.

Tidlegare måtte ein trekkje ut borestrengen, gå inn med loggeverktøy, logge, trekkje ut loggeverktøyet, tolke resultata, velje riktig borekrone og borevæske og så gå inn med borestrengen før ein endeleg kunne bore att.