Forklaringsartikkel
DP – dynamisk posisjonering
Eit skip som må ligge på same stad over tid, bruker dynamisk posisjonering med satellitt, data og sidepropellar.
DP er ei forkorting for engelsk "Dynamic Positioning". DP er eit datastyrt navigasjonssystem som bruker satellittkommunikasjon for å halde fartøyet i same posisjon uansett bølger, vind og straum i havet.
Datasystemet bruker informasjon frå satellitten til å justere posisjonen ved hjelp av sidepropellar (engelsk "thrusters") for å halde fartøyet i posisjon. På denne måten kan eit boreskip, ein borerigg eller eit produksjonsskip halde seg rett over brønnen utan å bruke anker.