Forklaringsartikkel
OWC – Oil-Water Contact
Bilete: Junie Loftesnes / CC BY-SA 4.0
OWC er ei forkorting av den engelske termen "Oil-Water Contact", på norsk olje–vatn-kontakt. OWC finn ein der kor botnen av olja møter toppen av formasjonsvatnet inne i reservoarbergarten.
Skiljet mellom olje og vatn blir danna når væskene får stå i ro over tid. Då blir dei separerte i tunge og lette produkt slik at olja legg seg over vatnet i reservoarbergarten.
OWC-grensa flyttar seg oppover eller mot brønnen etter kvart som reservoaret blir drenert for olje.