Levande brønn

Ein brønn som har reservoartrykk inn i brønnen, og som vil starte å strøyme olje eller gass til overflata når ein opnar ventilane, blir kalla ein "levande" brønn. Brønnen er i ein slik tilstand når han er ferdig komplettert og klar for oppstart.

Brønnen er òg "levande" når det strøymer olje til overflata, men då blir han heller kalla ein produserande brønn.

Under boring og brønnvedlikehald blir brønnen "drepen" ved at ein fyller han med ei tung væske, anten borevæske eller kompletteringsvæske. Væska dannar hydrostatisk mottrykk mot reservoartrykket, slik at brønnen ikkje kan strøyme olje til overflata.