Sandstein

Sandstein er ein sedimentær bergart. Han er danna av sandkorn og mineral, som blir kalla sediment. Sedimenta blir slitne laus frå fjell og blir førte med elver til eit lågare nivå, der dei blir liggjande.

Sandkorna blir dekte av nytt materiale over veldig lang tid, mange hundre tusen år. Til slutt ligg alt så langt under overflata at det blir pressa saman og gjort om til stein.

Sandstein er ein porøs bergart som fungerer veldig godt som reservoarbergart.

Sandstein blir pressa opp til overflata når kontinentalplatene rører på seg. Derfor kan vi sjå sandstein i naturen rundt oss.