Gelpad

Gelpad er eit engelsk ord som vi bruker om ei lita mengd viskøs væske som blir brukt føre eller mellom ulike væsker som skal pumpast inn i ein brønn. Gelpaden dannar eit skilje mellom væsker for å hindre at dei blandar seg. Han blir òg brukt for å hindre at gass og væske blandar seg i ein brønn. Gelpad blir òg omtalt som viskøs pille, som betyr ei lita mengd viskøs væske.

Ein kan bruke gelpad når ein skal syrevaske ein brønn. Då klargjer ein gelpaden i ein liten tank på dekk, og syra blir gjord klar i dei større tankane. Når ein startar pumpene, pumpar ein gelpaden først og deretter syra. Når gelpaden kjem ut av borerøyret i botnen av brønnen, begynner han å skyve olja i brønnen framom seg og ut av brønnen. Då vil ikkje syra blande seg med olja.