Korrosjonsinhibitor

Korrosjonsinhibitor er eit tilsettingsstoff som reduserer eller forseinker korrosjonsskade på metall.

Tilsettingsstoffet kan danne ein beskyttande film på overflata av metallet, eller danne kjemisk binding med skadelege stoff i væska som omgir metallet.
Til dømes blir korrosjonsinhibitor brukt i betongblanding som skal dekkje armeringsjern, slik at ikkje betongen korroderer armeringsjernet.

I produserande brønnar offshore er det vanleg å pumpe inn (injisere) kjemikaliar som følgjer olja til overflata. Kjemikaliane skal hindre at røyret, der olja går på innsida, blir utsett for korrosjon.