Forklaringsartikkel
Liner – fôringsrøyr
Liner i reservoarsona i ein brønn.
Liner er eit engelsk ord som kan omsetjast til fôring.
Vi brukar ordet "liner" når vi beskriv røyra som blir skrudde saman og installerte i holet i ein brønn. Der skal røyra sikre brønnen mot å falle saman og rase inn i holet. Røyra fungerer altså som ei fôring i brønnen.
Forskjellen mellom ein liner og ein "casing" er at lineren blir hengd med eit anker nede i brønnen, mens casingen går heilt opp til toppen av brønnen.
Vi brukar òg ordet liner i samansetjingar som screen liner (sandfilter), slotted liner (sandfilter) og liner hanger (ankringsmekanisme).