Forklaringsartikkel
RamRig – hydraulisk tårn
RamRig er eit sylindertårn som blir bevegd opp og ned med hydrauliske sylindrar.
RamRig er eit boretårn som bruker hydrauliske sylindrar (rams) i staden for heisespel til å heve og senke top drive som held borestrengen. Ein RamRig har same arbeidshøgde som eit konvensjonelt boretårn, ca. 36 meter.
RamRig kan leverast med enkelt eller dobbelt tårn. Doble tårn opererer boreaktivitetar på det eine tårnet og røyrhandtering (byggje stand) på det andre. Dette aukar bore-effektiviteten samanlikna med konvensjonelle tårn. Enkle RamRig-tårn må veksle mellom boreaktivitet og røyrhandtering i det same tårnet.