Tally – tally-bok

Tally er engelsk og blir brukt om oppføring av informasjon, altså ein type logg.

Vi bruker ordet pipe tally om lister som viser lengder på røyr (til dømes borerøyr), dimensjonar på utstyr som skal inn i ein brønn, og teikningar som viser samla informasjon om utstyr som er installert eller skal installerast i ein brønn.

Når vi jobbar offshore, er det vanleg å ha ei lita tally-bok med seg. Ho er så lita at ho passar i lomma på arbeidstøyet. I boka tek vi notat av det vi måler og loggfører stikkord frå arbeidsdagen vår. Tally-boka får du av arbeidsgivaren din.