Brønnslisse

Ei plattform eller havbunnsramme har ei avgrensa mengd opningar som ein kan kople brønnar opp mot. Opninga går opp til brønnhovuddekket på plattforma, og brønnen blir bygd med fôringsrøyr heilt til dette nivået. På toppen av brønnen blir ventiltreet montert, som då er synleg på brønnhovuddekket.

Kor mange slissar det er på brønnhovuddekket, blir avgjort i planleggingsfasen og er berekna ut frå kor mange brønnar som er nødvendig for at utbygginga skal bli lønsam. Nokre plattformer har over 40 slissar, mens andre har berre 8 slissar.

På engelsk bruker ein ordet "slots" om slissar.