Catwalk machine (røyrbru)

Ei hydraulisk røyrbru blir kalla catwalk machine på fagspråket. Det er ei hydraulisk operert maskin som skyv røyr frå røyrdekket over til boredekket på plattforma. Røyrbrua er fjernoperert og blir brukt i lag med anna røyrhandteringsutstyr i boremodulen.

Røyr som blir plukka opp frå røyrdekket, blir lagde i ei krybbe i røyrbrua. I røyrbrua er det ein mekanisme som skyv røyret fram mot boredekket.

Røyrbrua blir òg brukt når røyr som blir trekte ut av brønnen, skal leggjast på røyrdekket.