Hydrostatisk trykk

Hydrostatisk trykk er trykket i ei væske som står i ro. Hydro betyr vatn, og statisk betyr stilleståande.

Hydrostatisk trykk kan målast i alle typar væske. Trykket er eit resultat av densiteten (tettleiken) til væska og djupna. I tillegg verkar tyngdekrafta på jorda inn på trykket.

Ved å endre målepunktet (djupna) eller densiteten i væska får vi ulike trykkavlesingar.

Dette er formelen for berekning av hydrostatisk trykk:

$\mathrm{p}=\mathrm{d}·\mathrm{h}·\mathrm{g}$

($\mathrm{densiteten} \mathrm{til} \mathrm{v\ae ska}·\mathrm{djupna}·\mathrm{gravitasjonskonstanten}$)

Det er vanleg å bruke p (pressure) som nemning for trykk. Trykk blir oppgitt i bar, pascal eller psi.

To sylindrar som inneheld væske med ulik densitet, vil vise ulikt trykk når vi måler på same djupn i sylindrane. Med lik densitet vil vi ha likt trykk når vi måler på same djupn i sylindrane.