Skin – formasjonsskade

Ordet "skin" er engelsk og blir brukt om formasjonsskade som oppstår i boreprosessen i området som grensar inn til brønnen. Skaden er størst i området nærast holet, men han kan breie seg utover eit stykke frå brønnen. Skin fortel om permeabiliteten til bergarten i reservoarsona.

Holveggen blir skadd både av borekrona, små partiklar og væska som blir brukt i brønnen.

Skaden i bergarten gir dårlegare forhold for olja som skal strøyme til brønnen. Gangane i bergarten blir plugga, og det oppstår eit trykkfall som reduserer produksjonstrykket i brønnen.

Det er viktig å redusere omfanget av skaden ved å velje væsker som passar godt til bergartseigenskapane, og å bore med ei borekrone som skadar minst mogleg.

Skadar som er danna av borevæske, kan reparerast ved å syrebehandle overflata til holet.