Lateral

Ordet "lateral" beskriv noko som går til sida for noko anna.

Når vi snakkar om lateralar i ein brønn, meiner vi sideløp frå hovudbrønnen. Ein brønn kan ha fleire greiner ut frå hovudløpet, og desse kallast lateralar. Brønnen blir då omtalt som ein multilateral brønn.

Fordelen med å lage multilaterale brønnar er at dei rekk ut til store område i reservoaret og fører all olje eller gass opp til eitt produksjonsrøyr i toppen av brønnen.