Gelstyrke

Gelstyrke er den evna ei væske har til å stivne når ho står i ro.

Borevæske blir tilsett kjemikaliar som skal bidra til at partiklar blir hengande i væska sjølv om sirkulasjonen stoppar. Dette gjer at partiklar frå boringa ikkje fell til botnen av brønnen mens vi stoppar for å setje inn nye borerøyr i borestrengen på overflata.

Vi ønskjer denne kvaliteten i borevæska fordi han forhindrar at borestrengen blir ståande fast i partiklar som landar rundt borekrona eller borestrengen der kor brønnen går frå vertikal til høg vinkel.

Gelstyrken må vere akkurat høg nok til å halde partiklane på plass i væska, men ikkje så høg at det blir vanskeleg å starte sirkulasjonen av væska att etter sirkulasjonsstoppen.