Setback

Setback er eit engelsk ord som blir brukt i norsk fagspråk. Det betyr eit område som er reservert for plassering av ståande borerøyr som er skrudde saman til stands. I eit konvensjonelt boretårn er setback plassert på sida eller i hjørnet av boredekket. På ein RamRig er setback plassert utanfor boredekket på eit lågare nivå.

Setback har tregolv eller gummimatter for å beskytte enden av røyra og for å hindre gneistedanning når røyra blir sette ned på golvet. Røyra står på rekkjer, slik at fleire tusen meter med røyr kan lagrast ståande.

Øvst er røyra stabla mellom stålbjelkar i ei rektangel- eller stjerneforma ramme. Kvar røyrlengd blir halden på plass av ein vippeklaff som blir fjernstyrt frå styringspanelet. Plasseringa og sikringa gjer at borerøyra ikkje glir ut.