Forklaringsartikkel

BOP

Teikning av ei utblåsingssikring som består av fleire ventilar som er monterte saman i ein vertikal kolonne. Utblåsingssikringa blir montert på olje- og gassbrønnar når det blir gjort arbeid i brønnen. Illustrasjon. — Bilete: Sissel Paaske, Benny Mason / CC BY-SA 4.0

BOP er ei forkorting for engelsk "Blowout Preventer" og blir uttalt b-o-p. På norsk heiter det "utblåsingssikring". BOP-en er ein del av barrierane som skal hindre olje- og gassutslepp frå brønnen til miljøet utanfor.

BOP-en blir montert på toppen av brønnen når ein skal gjennomføre bore- og brønnaktivitetar. Han består av fleire ventilar som kan stengje brønnen heilt, òg rundt utsida av røyr som er på veg inn eller ut gjennom BOP-en. Det er òg montert ein kutteventil i BOP-en, som kan kutte borerøyr dersom det er nødvendig.

Når brønnen skal produsere olje eller gass, er det ikkje ein BOP, men eit ventiltre som står på toppen av brønnen.

Forklaringar