Forklaringsartikkel

ASV

Skissa viser eit utsnitt av kompletteringa i brønnen, der det er installert to brønnsikringsventilar. Øvst er det vist ein produksjonsrørrsikringsventil, og nedst er det vist ein ringromssikringsventil. Illustrasjon. — Bilete: Baker Hughes Inc / CC BY-SA 4.0

ASV er ei forkorting for "Annular Safety Valve". Det er ein sikringsventil som tettar på utsida av produksjonsrøyret, i ringrommet. Han skal monterast i brønnen når det er montert gassløftventil i øvre komplettering. ASV skal hindre lekkasje i ringrommet til overflata, og er derfor ein del av barrierane i kompletteringa.

Sikringsventilen er open på innsida (i produksjonsløpet) der olje og gass blir produsert til overflata. På utsida er det ein pakning som stengjer i ringrommet mellom produksjonsrøyret og fôringsrøyret. Sikringsventilen er utstyrt med ein gjennomgang for gassinjeksjon til gassløftventilen. Gjennomgangen er ein sikringsventil som må haldast open med hydraulisk trykk i ei kontrollinje. ASV skal alltid plasserast under DHSV i kompletteringa.

Forklaringar