Barytt

I borevæske bruker vi barytt-pulver som vektmateriale for å auke væsketrykket i brønnen mens vi borar.

Barytt er eit vanleg mineral som har høg densitet. Eigenvekta er 4,5 gram / cm³, det vil seie om lag dobbelt så tungt som ein vanleg stein. Barytt finst naturleg i sprekkar, i malm og i sedimentære bergartar.

Barytten varierer i farge og form. Nokre gonger er han forma som nydelege krystallar og roser. Barytt kan knusast til eit fint pulver som blir brukt til ulike produkt.

Barytt blir òg brukt i produkt som måling, tekstilar og fyrverkeri.