Surfaktant

Surfaktant (av engelsk "surfactant", kortform av "surface active agent") er eit kjemisk samband som reduserer overflatespenninga i ei væske slik at ho lettare kan blandast med andre væsker.

I eit reservoar som trekkjer formasjonsvatn med seg i produksjonen, blir surfaktant tilsett for å redusere spenninga mellom olje og vatn. Dette fører til auka utvinningsgrad og større produksjon.

Vaskemiddel inneheld òg surfaktantar som bryt ned spenningane mellom vatn og smuss. Det hjelper til med å frakte smusset vekk.