P/A

P/A er forkorta frå engelsk "Plug and Abandon". Vi seier "p and a" i daglegtale, og det blir omsett til "plugge og forlate" (ein brønn).

Når BOP eller ventiltre skal fjernast frå brønnen etter borefase eller produksjonsfase, må brønnen først sikrast med to pluggar: ein som blir sett djupt, og ein som blir sett lenger opp i brønnen.

I nokre tilfelle er det snakk om ei mellombels plugging ("temporary abandonment"), til dømes når borefasen går over til kompletteringfasen. Då må pluggane setjast først, og deretter blir BOP fjerna før ventiltreet blir plassert på brønnen.

Andre gonger dreier det seg om ei permanent plugging av brønnen. Då blir pluggane sette for alltid og skal sikre omgivnadene mot utslepp frå brønnen.