Killmud – drepeslam

Killmud kjem frå engelsk og betyr drepeslam. Drepeslam blir brukt til å auke det hydrostatiske trykket i brønnen. Det er nødvendig når brønnen er i underbalanse i høve til trykket i formasjonen.

Killmud er vanleg borevæske som vi veg opp til høgare densitet enn boreslam, og som vi held klar om bord i tilfelle det blir behov.

Dersom brønnen kjem i underbalanse, oppdagar vi det på overflata som eit kick. Då stoppar vi brønnaktiviteten og sirkulerer killmud inn i brønnen for å gjenopprette balansen mot formasjonstrykket.