Korrosjon

Korrosjon er tæring på materiale ved kjemiske eller elektrokjemiske reaksjonar med omgivnadene. Omgrepet blir særleg brukt i samband med metall og legeringar. Både jern og kopar reagerer med oksygen og vatn i omgivnadene. Rust er eit resultat av korrosjon av jern. Eir er eit resultat av at kopar korroderer.

I offshoreindustrien er det viktig å verne metallet mot korrosjon for å hindre lekkasje av olje og gass til det ytre miljøet. Slikt vern kan vere maling, bruk av riktige materiale saman med kvarandre og bruk av anode som skal ofrast i staden for metallet i kritiske røyr og delar.

Eit anna alternativ er å bruke metall-legeringar som er motstandsdyktige mot korrosjon.