Topdrive

Namnet "topdrive" er engelsk, på norsk seier vi tårnboremaskin. Det er ein boremaskin som er montert i senter av boretårnet, rett over holet til brønnen. Han kan førast opp og ned i boretårnet.

Topdrive blir brukt til å rotere borestrengen når vi borar, sirkulere væske inn gjennom borestrengen, setje vekt på borekrona, løfte borestrengen opp frå brønnen og senke borestrengen ned i brønnen.

Borestrengen heng under topdriven i ei kopling som blir skrudd inn i borerøyret slik at vi kan rotere borestrengen. Gjennom koplinga blir det pumpa borevæske inn i borestrengen og ned i brønnen.

Under topdriven heng det ein elevator som vi bruker til å hente inn borerøyr til borestrengen frå setbacken eller catwalken.