Logge (om brønn)

Å logge ein brønn vil seie å innhente informasjon om omgivnadene rundt holet.

Vi loggar bergarten brønnen er bora gjennom, og korleis overflata i holet ser ut. Dersom det er sett røyr i brønnen med sement på utsida (fôringsrøyr), skal sementen loggast for å stadfeste at han dekkjer området og held tett.

Til å logge ein brønn bruker vi loggeverktøy som samlar inn ulike typar informasjon. Vi senkar det ned i brønnen til staden som skal loggast.

Det er mogleg å logge mens boringa skjer. Det blir kalla Logging While Drilling (LWD). Då innhentar ein både informasjon om bergartane og retningane boringa tek.