Delta

Eit delta blir danna av avsettingar frå ei elv. Elva fraktar leire, jord, sand og grus i vatnet som strøymer nedover. Dette blir kalla sediment.

I området der elva løper ut i stilleståande vatn eller hav (elveoset), fell farta på elvestraumen, og sedimenta dalar ned og landar på botnen.

Lag på lag med sediment dannar øyer og kanalar som påverkar retninga elveutløpet tek. Eit elvedelta blir beskrive etter figuren det lagar, ofte som vifte eller fuglefot.