Solenoidventil

Ein solenoidventil er ein elektrisk styrt retningsventil som styrer posisjonen i ein annan ventil. Han blir òg kalla magnetventil, sidan han har ein magnetisk spole som skiftar posisjon på ventilen når han får tilført elektrisk spenning.

Signala til magnetventilen blir brukte til å operere ventilen som står i hovudløpet, det vil seie i vass- eller prosesslinjer.

Når magneten får tilført spenning, skiftar den magnetiske retninga i spolen, og ventilen skiftar posisjon.

Når spenninga blir fjerna, er det ei fjør som skyver ventilen til motsett posisjon.

Magnetventilar blir brukte til å styre ventilar i oppvaskmaskinen og vaskemaskinen i heimen, i industrielle system og på store prosessanlegg.