Løftestuss

Ein løftestuss er eit kort røyrstykke som har ei utforming som passar inn i røyrhandteringsmaskinene, vanlegvis ein profil som borerøyr. Han blir brukt på brønnutstyr som har ein annan profil på utsida, slik at det ikkje blir naudsynt å tilpasse røyrhandteringsutstyret til alle ulike overflater.

Løftestussen blir montert øvst på brønnutstyr når det blir gjort klart på land. Gjenga blir trekte til med moment slik at koplinga ikkje losnar i løftet.

Når brønnutstyret er sett med slips i RKB, blir løftestussen skrudd av og fjerna frå brønnutstyret.

Løftestuss blir òg omtalt som løfte-sub, handling-sub, lifting-sub og handling-pup.