Forklaringsartikkel
Perforere brønn
Bilete: Baker Hughes Inc / CC BY-SA 4.0
Å perforere ein brønn vil seie at det blir skote mange små hol i røyret som skil brønnen frå reservoaret. Når produksjonen blir starta, kjem olje og gass inn i brønnen gjennom hola.
Perforering blir utført med mange små eksplosiv som blir monterte innvendig i eit tett stålrøyr som blir senka ned i brønnen. Røyret blir kalla ein perforeringskanon.
Perforeringa startar når røyret er plassert på riktig stad. Brønnen er fylt med væske som gjer at eksplosjonen ikkje tenner på olja eller gassen i reservoaret.
Når perforeringa er ferdig, blir perforeringskanonen trekt ut av brønnen igjen. På overflata av røyret kan vi sjå at det er fullt av hol der perforeringa har gått føre seg.