Tonnkilometer

Tonnkilometer er eit mål som blir brukt i statistikk for å få fram eit omgrep som blir kalla godstransportarbeid. Dette blir brukt for å vise arbeidet eit transportmiddel utfører for å transportere ei viss mengd gods over ei bestemd reiselengd.

For å få fram tonnkilometer gongar ein kor mange tonn som blir frakta, med kor mange kilometer det blir frakta.

Døme: Ein lastebil køyrer 10 kilometer med 5 tonn last. Han har då utført eit godstransportarbeid på 10 × 5 = 50 tonnkilometer.