Befordringsvedtekter

Dette er eit omgrep som tidlegare har vore brukt i staden for transportvilkår eller transportvedtekter. Enkelte bruker omgrepet framleis.

Befordringsvedtekter er transportvilkår som gjeld for personar som reiser med rutegåande busstrafikk i Noreg. Når ein reisande kjøper ein billett, inngår han eller ho ein avtale med den ansvarlege transportøren.

Denne avtalen seier noko om kva transportøren forpliktar seg til, til dømes

- kor langt reisa skal gå

- kva for stoppestader som skal finnast langsmed ruta

- kor mykje bagasje den reisande har høve til å ha med

- kva som skjer med hittegods

- kva ansvar leverandøren har ved forseinkingar og kanselleringar

Avtalen seier også noko om ansvarsreglar for den reisande, til dømes

- at ein må kunne vise fram billett

- at ein ikkje skal oppføre seg ubehageleg mot andre reisande eller mot sjåføren

- at ein ikkje skal røykje eller bruke rusmiddel på bussen, i eller utanfor bussterminalar osb.

- at ein ikkje må gjere skadeverk