Forklaringsartikkel
Køyre- og kviletid
Bilete: NTB scanpix, Shutterstock / CC BY-NC-SA 4.0
Når du køyrer godstransport med eit køyretøy som veg meir enn 3,5 tonn inklusiv tilhengjar eller semitrailer, eller du køyrer persontransport med fleire enn ni personar inklusiv sjåfør, må du følgje den lovpålagde køyre- og kviletida.
Er du omfatta av køyre- og kviletidsregelverket, skal du ha fartsskrivar i køyretøyet. Fartsskrivaren held styr på køyretida og sikrar at du veit når du skal ta pause.
Formålet med desse reglane er å ta vare på trafikksikkerheita og sikre like konkurransevilkår og i tillegg gi sjåføren gode arbeidsforhold. Reglane blir kontrollerte, og brot kan innebere store konsekvensar og bøter for eigaren av køyretøyet og for sjåføren.