Stabilisering av gods på pall

Når vi samlar fleire mindre einingar på ein pall, til dømes kartongar, må vi stabilisere pallen slik at han utgjer ei samla eining.

Då sikrar vi lasta slik at alle kartongane held seg på pallen når vi flyttar han med truck eller jekketralle.

Då får vi dessutan eitt stort kolli i form av ein samla pall i staden for mange små kolli i form av alle kartongane. Det gjer det enklare å halde oversikt over lasta.

Vi bruker vanlegvis strekkfilm til å stabilisere pallen.