Fartsskrivar

Fartsskrivaren blir brukt til å registrere køyre- og kviletida til sjåføren. Han blir montert i køyretøyet og kommuniserer med ei datamaskin via GPS-nettet.

Dersom du køyrer godstransport med eit køyretøy som veg meir enn 3,5 tonn inklusiv tilhengjar eller semitrailer, eller du køyrer persontransport med fleire enn ni personar inklusiv sjåfør, må du følgje den lovpålagde køyre- og kviletida.

For å kunne køyre eit slikt køyretøy må du ha førarkort i rett klasse og eit sjåførkort som Statens vegvesen utferdar. Sjåførkortet bruker du til registrering i fartsskrivaren.

Det er arbeidsgivaren eller bileigaren som er ansvarleg for at køyretøyet er utstyrt med slikt utstyr.

Statens vegvesen og politiet fører kontroll med køyre- og kviletida. Brot på reglane kan innebere store bøter for sjåførane.