Sveisetråd

Sveisetråd er tilsetjingsmaterialet i halv- og heilautomatiske sveisemaskinar. Det finst ulike typar:

- Vanleg sveisetråd for stål er massiv og belagd med kopar for å sikre best straumoverføring.

- Sveisetråd for aluminium er legert med silisium og/eller magnesium. Legeringa gir sveisen ulike kvalitetar. Du finn meir informasjon i databladet.

- Sveisetråd for rustfritt stål er legert med silisium og/eller molybden, og gir sveisen beskyttelse mot rust.

- Røyrtråd er sveisetråd som er hol innvendig. Holrommet er fylt med eit metallpulver. Det har eigenskapar som gir høg avsetning. Røyrtråd blir gjerne brukt til heilautomatisk sveising, til dømes i sveiserobotar. Enkelte røyrtrådtypar blir marknadsførte som sveisbare utan dekkgass. Desse er ofte berekna på hobbymarknaden.