Hopp til innhald
Bokmål
Forklaringsartikkel

Moonpool

Biletet viser opninga i skroget på ein oljerigg. Opninga blir plassert direkte over brønnen slik at vi kan føre borestrengen ned i brønnen frå boredekket. Foto.
Bilete: Ingvar Tjostheim / CC BY-NC 4.0

Omgrepet moonpool er engelsk og blir brukt om ei opning i eit skipsskrog eller riggskrog. Veggane i moonpoolen er dekte med tette plater, som på utsidene av riggen.

Opninga går gjennom fleire dekk, slik at boretårnet, som er det øvste nivået, har tilgang gjennom moonpoolen.

Riggen blir plassert slik at moonpoolen er rett over brønnen på havbotnen. Gjennom opninga blir utstyr, til dømes BOP og ROV, senka ned på havbotnen under fartøyet.

Under moonpoolen heng stigerøyret, som er festa til riggen oppe og til BOP og brønnen på havbotnen. Gjennom stigerøyret er det tilgang for borestrengen til brønnen frå boredekket.