Morsekon-overgang

Ein morsekon-overgang er nemninga på ein overgang mellom dimensjonar av innfestingselement i bormaskinar og dreiemaskinar. Eit vilkår er at vinklar og diametrar følgjer gjeldande ISO- og DIN-standardar.

I ein morsekon-overgang er det friksjonskrafta mellom flatene som hindrar rotasjon. Det flate området i den eine enden av morsekonen er tilpassa eit avlangt hol i motsatsen til konen. Ved demontering slår ein eit lett slag på ein kile inn i det avlange holet.

Morsekon er oppkalla etter opphavsmannen Stephen A. Morse, som gjorde oppfinninga i 1864.

Morsekon blir klassifisert frå 1 til 7:

- 1 representerer ein største diameter på ca. 9 mm.

- 7 representerer ein største diameter på ca. 83 mm.

Vinkelen på morsekon-overgangane varierer noko mellom dimensjonane, men er alle i nærleiken av 1,49 grader mot senterlinja.