Fjørelement

Fjørelement av det syntetisk framstilte materialet eladur (polyuretan-elastomer) er svært elastiske og har stor evne til å gå tilbake til si opphavlege form etter tung belastning. Materialet har med andre ord høg strekk- og trykkfastleik. Slike fjørelement blir til dømes brukte i landbruksmaskinar og bilar.

I verkstadindustien blir eladur brukt som ekstraktor i stanseverktøy. Det skjer ved at elastomeren blir tilpassa i dyna på stanseverktøyet. Tappen slår delen ut og klemmer samtidig elastomeren saman. Når tappen forlèt dyna etter utstansing, klemmer elastomeren den stansa delen opp og ut av dyna.