Metrisk

Metrisk er ofte angitt med symbolet M og er ein standard for måleining i millimeter. Med ein metrisk gjengestandard på skrue og mutter, som vist på biletet her, kan alle produsentar og forbrukarar verda over bruke utstyr og verktøy som passar saman.

Å snakke same språk, eller standard

Dette er heilt nødvendig for å kunne byggje eller konstruere noko. Vi må forstå kva standard som er brukt, og vi må kunne jobbe med denne standarden i heile prosessen vidare.

Ein metrisk maskinskrue blir ofte omtalt slik: M12. Her betyr M «metrisk», og 12 er diameteren på skruen i millimeter, altså 12 mm.

Ein metrisk skrue har gjerne ei bestemd lengd òg, til dømes 50 mm. Då heiter skruen M12 x 50.