Extrude

Å ekstrudere betyr eigentleg "å støyte ut" eller "å presse ut". Vi kan til dømes lage aluminiumsprofil ved å presse metallet fysisk gjennom eit ekstruderingsverktøy.

I teikneprogrammet Fusion 360 finst det òg ein extrude-funksjon. Vi bruker han til å løfte opp ein 3D-modell av ei 2D-teikning. I tillegg til lengd og breidd får vi då altså høgd eller djupn som den tredje dimensjonen.

Vi må lage ein sketch (ei skisse) i 2D før vi kan bruke extrude-funksjonen. Vi kan òg bruke extrude-funksjonen på eksisterande objekt (3D-teikningar), og vi kan bruke han til å leggje til eller ta bort materiale.