Heildekkande og tettsitjande arbeidsklede

Arbeidsklede blir nytta i område der du kan bli utsett for ureinskapar, varme temperaturar og kjemikal. Arbeidskleda kan ha spesielle eigenskapar, det gjer at du må velje rett type ut frå den risikoen du blir utsett for.

Arbeidsklede er påbode i alle verkstader. Det kan vere eigne reglar i bedrifta eller på skulen som beskriv kva arbeidsklede som kan nyttast, om det skal vere heildekkande eller om du kan nytte bukse og jakke. Det er viktig at arbeidskleda er tettsitjande for å forhindre at lause delar festar seg i roterande maskiner og utstyr.

Viss du nyttar heildekkande arbeidsklede i form av kjeledress, er det ikkje tillate å ta av overdelen og knytte han rundt livet. Arbeidsklede som blir nytta ved sveising, skal vere laga av flammehemmande stoff. Alternativt må forklede bli nytta i tillegg.

Arbeidskleda blir utsette for forureiningar, og det er viktig å vaske dei regelmessig.

Alle område der du kan bli utsett for ureinskapar, varme og kjemikal, skal merkast med påbodsskilt om bruk av arbeidsklede.

Viss du beveger deg inn i eit område som er merkt med dette skiltet, er det viktig at du vurderer kva type arbeidsklede som er mest formålstenleg.