Fotomotstand

Ein fotomotstand er ein motstand der verdien blir bestemd av intensiteten på lyset som treff han. Vi vil oppleve å få lågare motstandsverdi jo meir han blir lyst opp. Sterkt lys vil normalt gi 100 ohm, mens mørke typisk gir 300 kiloohm.

Fotomotstanden har to bein, og det har ingenting å seie kva veg han blir kopla inn i krinsen.

Ønskjer ein å styre ein funksjon ved hjelp av lysstyrken – til dømes tenning av lys når det blir mørkt ute – nyttar ein gjerne ein fotomotstand. Fotomotstanden blir som oftast kopla i ein spenningsdelar, og plasseringa blir bestemd av funksjonen.