Jobb med symbol

1. Veit du om nokon symbol som kanskje ikkje er så mykje brukte i Noreg, men som kan vere vanlege i andre land? Lag ei oversikt med 2–5 ulike symbol.

2. Veit du om nokon symbol som er brukte i Noreg, men ikkje så ofte i andre land? Lag ei oversikt med 2–5 ulike symbol.

3. Samanlikn resultatet ditt med det ein médelev har svart.

4. Diskuter symbol i ulike land felles i klassen. Kva er likt? Kva er ulikt? Tenk både på bruk av symbol, utsjånad og innhald.

1. Skriv ei oppdikta melding til ein venn om kva du gjorde i går kveld. Du skal skrive vanlege bokstavar, ikkje symbol (emojiar).

2. Skriv ei oppdikta melding til ein venn om kva du gjorde i går kveld. No skal du bruke symbol (emojiar) mest mogleg i staden for bokstavar og tekst.

3. Skriv ei oppdikta melding til ein venn om kva du gjorde i går kveld. Bruk symbol (emojiar) slik du pleier å gjere det når du kommuniserer med ein venn.

4. Korleis synest du symbol påverkar måten vi kommuniserer med kvarandre på?

1. Kva symboliserer krossen og dei ulike fargane i det norske flagget? Bruk Store norske leksikon som kjelde om du treng hjelp til å finne svaret.

   

2. Kva symboliserer sirkelen og dei ulike fargane i det samiske flagget? Bruk Store norske leksikon som kjelde om du treng hjelp til å finne svaret.

3. Vel deg eit symbol frå eit flagg, ein sportsklubb eller liknande som du er glad i. Prøv å finne ut kva symbola som er brukte, betyr. Bruk Store norske leksikon som kjelde om du treng hjelp til å finne svaret.

Du kan bruke symbol for å utrykke ei stemning eller ei kjensle i ein tekst utan å bruke sjølve orda du vil beskrive. Til dømes kan du uttrykke at ein person er sint ved å skrive at "det kom lyn ut av auga på Adam".

1. Start med å skrive ned kva symbol du forbind med orda under. Diskuter gjerne først med ein médelev:

   • sorg

   • kjærleiken

   • vår

   • sakne

   • fred

2. Vel deg ut nokre av orda over og skriv ein kort tekst til kvar av dei. Du skal ikkje ha med sjølve ordet i teksten din, men bruke symbol som verkemiddel for å få fram stemninga. Treng du tips? Sjå i boksen under. Der har vi skrive ein kort tekst om kjærleik der hjartesmykket er brukt symbolsk.

Diktet "Ord over grind" er skrive av Halldis Moren Vesaas. Det er henta frå samlinga I ein annan skog som kom ut i 1955.

1. Les diktet "Ord over grind". Det handlar om forholdet mellom to personar. Kva symboliserer grinda i diktet?

2. Korleis forstår du "mi inste grind"? Kven tenker du det er naturleg at får komme heilt til den inste grinda di?

3. Kva andre symbol for avstand og nærleik mellom personar kan passe i ein litterær tekst? Diskuter med ein medelev.