Sjå nærmare på nokre allusjonar
Biletet Brudeferd i Hardanger er eit kjent norsk måleri frå 1848. Biletet Oljeferden fra Hardanger er frå 1975.
Brudeferden i Hardanger av Tidemand og Gude
Oljeferden i Hardanger av Rolf Groven
Kva for allusjonar finn du til måleriet Brudeferden i Hardanger i måleriet Oljeferden i Hardanger?
Rolf Groven ønskte å få fram ein miljøpolitisk bodskap med måleriet sitt.
Korleis kjem denne bodskapen fram i måleriet? Samanlikn med det nasjonalromantiske i Brudeferden i Hardanger.
Korleis blir bodskapen til Groven enda tydelegare når vi kjenner til måleriet Brudeferden i Hardanger? Grunngi svaret ditt.
Sjå på teikneseriebiletet Andeferden i Andanger av Arild Midthun på Duckberg Museum of Fine Arts. Kva for allusjonar finn du til måleriet Brudeferden i Hardanger i dette teikneseriebiletet?
Kunstverket Skrik av den norske målaren Edvard Munch er eit verdskjent måleri. Det finst derfor tallause referansar til måleriet og kunstnaren over heile verda.
Skrik av Edvard Munch
Eit døme på allusjon til måleriet Skrik av Edvard Munch finn du i diktet "To skrik" skrive av Haile Bizen frå Eritrea:
To skrik
Brått står jeg ansikt til ansikt
med skriket til Munch
en eldre bror jeg endelig har funnet
Jeg som ble fødd og fetet opp på krigens snerk
mens landets støtter knakk, klamrer meg til eksilet nå
Svarer ikke med mitt eget rop, han har vel nok med sitt
men i tankene røsker jeg løs ramma
og bytter den ut med skriket i meg
Da rykker maleriet til og grøsser
Haile Bizen, fra diktsamlingen La oss si at jeg er, 2023
Kva for allusjonar finn du til måleriet Skrik av Edvard Munch i diktet "To skrik" av Haile Bizen?
Korleis kan diktet "To skrik" blir forstått forskjellig avhengig av om vi kjenner til måleriet Skrik eller ikkje?
Sjå på bileta under. Snakk saman med ein klassekamerat om allusjonane du finn til måleriet Skrik i dei to bileta.
Skrik (After Munch) av Andy Warhol frå 1987
Skrik-motiv på vegg i Blitz-kvartalet
Utforsk allusjonar til litteratur eller annan kunst frå andre land. Kanskje kjenner du til nokon allusjonar frå andre land frå før? Lag ei enkel oversikt og samanlikn med det ein annan i klassen har funne.
Ta ei felles gjennomgang av allusjonane de har funne i oppgåve 1. i klassen. Snakk saman om korleis nokre allusjonar kan variere noko frå land til land, mens andre er kjende over store delar av verda.
Heng allusjonane opp i klasserommet eller lag ei digital oversikt, som alle i klassen har tilgang til.
Lag eigne allusjonar inspirerte av ein tekst du har lese. Her kan du til dømes la deg inspirere av ein av tekstane i tekstsamlinga vår på NDLA.