Sluttkontroll elektro

I sluttkontrollen forsikrar vi oss om at anlegget fungerer som det skal, fagmessig og etter gjeldande lover og reglar. Dersom vi har eit nytt anlegg eller vi har endra på eit anlegg, må anlegget kontrollerast slik at vi sikrar oss at det tilfredsstiller alle krav som er sette til sikkerheit. Vi kallar ein slik kontroll for sluttkontroll.

Slike krav om kontroll finn vi i FEL (forskrift om elektriske lågspenningsanlegg) og i NEK 400, som er ei normsamling som omhandlar prosjektering og utføring av elektriske lågspenningsinstallasjonar. Denne normsamlinga er utarbeidd av NK64, som er ein komité i NEK (Norsk Elektroteknisk Komité).

Ein sluttkontroll kan innehalde inspeksjon av anlegg, måling og prøving av anlegg, og rapportering, som blir ein del av dokumentasjonen.