Handsirkelsag

Handsirkelsager finst i mange ulike storleikar og med varierande kapasitet når det gjeld kuttdjupn. Ein kan variere kuttdjupn og vinkel. Saga blir brukt til både kapping og kløyving. For å kløyve ei fast breidd kan ein montere eit anlegg, som er ein type tilleggsutstyr til saga.

HMS: Det er særs viktig å passe på at vernedekselet glir lett på plass og dekkjer sagbladet når ein ikkje sagar i materialet. Saga på biletet er påmontert eit avsug for å unngå støvspreiing. Det er stor fare for å kome i kontakt med bladet dersom ein held handa på undersida av materialet ein sagar i. Ein må bruke høyrselsvern og vernebriller når ein bruker saga.