Asfaltplate

Ei asfaltplate er ei trefiberplate som er impregnert med asfalt for at ho skal tole fukt. Ho blir brukt til utvendig vindtetting og er damp-open slik at fukt i veggen kan tørke ut. Vanleg storleik er 1200 mm × 2740 mm. Tjukna er 12 mm. Lengda gjer at ho passar til vanleg romhøgd pluss tjukna på eit bjelkelag. Plata blir festa til stenderar med pappspikrar eller krampar. Det er viktig at ho er godt festa for at ho skal bidra til å stive av veggen. Plata bidreg òg noko til isolasjon.