Forklaringsartikkel
Frekvens (hertz)
Bilete: Esumir, Berserkerus / CC BY-SA 4.0
Frekvensen er kor mange gongar ei hending (bølgje) gjentek seg i løpet av ei gitt tid. I elektrofag bruker vi sekund som tidseining. Frekvens måler vi i hertz (Hz), med storleikar som kHz, MHz og GHz.
På den vedlagde GIF-en ser vi øvst eit signal med veldig låg frekvens, og under ser vi signala AM og FM, som har høgare frekvens.
Frekvensmodulasjon (FM), som vi ser på det nedste signalet, endrar periodevis frekvensen til å ha nokre litt lengre bølgjelengder. Dette er måten det gamle radionettet (før DAB) fungerte på, det sende signal på FM-bandet 87,5–108 MHz (megahertz).
Når det gjeld lyd, har ein pipelyd høg frekvens (opp mot 20 000 Hz), mens eit djupt drønn har låg frekvens (ned mot 20 Hz).